第一百零四回 跳空槽滑头得志（4/5）

胀得通红。听了金小宝的几句话儿，一个字儿都回不出，就如一个木偶一般呆呆的站在那里。金小宝又冷笑道：“请耐同仔倪一淘转去，倪有两声闲话要问问耐。”牛幼康听了好像没有听得的一般，站在那里动也不动一动。金小宝道：“去嗫，阿曾听见呀！”牛幼康听了，还是一个不动。气得个金小宝赶过去，伸出右手，拉住牛幼康一只耳朵，拉着便走。拉得牛幼康抱着，叫声“阿唷坏”。

金小宝正拉着牛幼康的耳朵要走，忽然祝小春抢上前来，一手拉住牛幼康，一手拦住金小宝，高声说道：“耐是啥介，拉仔牛大少到啥地方去？有啥闲话，好讲出来拨大家听格啘。拉拉扯扯，算啥样式介！”金小宝正一肚子的没好气，也大声说道：“倪末就是金小宝。牛大少是倪搭格客，倪同俚转去，有闲话搭俚说，勿关耐事。用勿着耐来多管！”祝小春冷笑道：“啥说勿关倪事介。牛大少末是倪格客，耐要搭俚说闲话末，到俚府上去请末哉！故歇勒归搭末，就叫勿成功！”

说着，又对着旁边的众说道：“唔笃大家看看，也呒拨实梗样式格啘！勒归搭地方，几几化化格，动手动脚，真真面孔才勿要格哉！”金小宝听了气得大骂道：“耐格< 毛乍> 千格烂污婊子！倪搭格客做得好好里来，拨耐个烂污婊子拉仔过去，再有面孔搭倪瞎吵！”祝小春听也了大怒道：“倪是烂污婊子，耐阿是家呀？大家才是一样路，呒啥海外！耐说倪拉仔耐格客，阿是倪到耐屋里去拉客呀？上海滩客末，也勿是做一个倌；倌末，也勿是做一个客！挂仔牌子末，只要是客末，大家好做格。耐格客末那哼呢？阿是耐格客，就勿许倪做格？老实说，勿要说倪朆拉耐啥格客，就算倪拉仔耐格客末，耐也只好两只眼睛望望倪！耐有本事末拉牢仔客，勿要放俚出来。故歇自家做勿牢客，客跳仔槽，再要说出实梗格闲话来，阿要鸭屎臭！”

金小宝听了祝小春这番说话，一时竟想不出什么话来回他，只得也骂道：“耐自家勿要面孔！拉牢仔客勿放，再要说别鸭屎臭！”祝小春微微冷笑道：“唔笃大家听听看，到底是啥勿要面孔？耐是勿挂牌子格住家呀，倒有面孔到归搭来拉客格，就是四马路格野末，也勿糙至于实梗样式啘！”

这几句骂得十分刻毒，金小宝怒气冲天，放了牛幼康，伸出手来把祝小春劈面一掌。祝小春不提防他要动手，出其不意“拍”的一声，左边脸上着了一下，只打得祝小春面生烟，星眸出火，大声骂道：“勿要面孔格